Konfirmohet edhe një tjetër artist që do të jetë pjesë e “Sunny Hill Festival 2022”.
Burak Yeter, DJ dhe producentin turk, është artisti në fjalë.
Kjo u bë e ditur nga faqja zyrtare e “Sunny Hill” në një postim të shpërndarë në ‘Instagram’.
Përveç Yeterit, tashmë në festival janë konfirmuar edhe disa emra të tjerë të mëdhenj të muzikës ndërkombëtare.
Diplo ka qenë i fundit që u bë e ditur se po vjen në “Sunny Hill”, i cili tanimë shquhet për një sërë hitesh përfshirë edhe “Electricity” me Dua Lipën.
