Pas 10 orë bastisje, Jakup Krasniqi është arrestuar nga forcat e EULEX-it dhe hetuesit e Speciales.
Krasniqi është shoqëruar nga hetuesit e Speciales për në veturat që po qëndronin tek shtëpia e tij, teksa pritet që ai menjëherë të niset për në Hagë, shkruan lajmi.net.
Bastisja ka nisur që nga ora 06:00 e mëngjesit.
Lajmi.net ka qëndruar gjatë gjithë ditës në vendin e ngjarjes nga ku ka ndjekur nga afër zhvillimet në kohë reale.
Arrestimi i ish-zëdhënësit të UÇK-së vjen pas konfirmimit të aktakuzës kundër Krasniqit.
Ndërkohë, pritet që pas disa orësh edhe Specialja të jap detaje në lidhje me këto operacione të zhvilluara gjatë ditës së sotme.
