Kryeministri i Kosovës, Avdullah Hoti, ka reaguar pas bashkëpunimit formal të Asociacionin e Komunave të Kosovës me Kongresin e Pushtetit Lokal dhe Rajonal të Këshillit të Evropës.
Asociacioni i Komunave të Kosovës ka nisur bashkëpunimin formal me Kongresin e Pushtetit Lokal dhe Rajonal të Këshillit të Evropës.
Në lidhje me këtë ka reaguar kryeministri i Kosovës, Avdullah Hoti, i cili e ka cilësuar si një bashkëpunim të domosdoshëm, shkruan lajmi.net.
Sipas Hotit, përmes këtij bashkëpunimi do të vlerësohet niveli i zbatimit të parimeve të Kartës Evropiane për Vetëqeverisje Lokale në Kosovë, si dhe do të zhvillohet udhërrëfyesi për komunat dhe institucionet për të fuqizuar demokracinë lokale në Kosovë.
Postimi i plotë i Hotit, pa ndërhyrje:
E përgëzoj Asociacionin e Komunave të Kosovës për nisjen e bashkëpunimit formal me Kongresin e Pushtetit Lokal dhe Rajonal të Këshillit të Evropës, me seli në Strasbourg, për promovimin e standardeve evropiane të demokracisë lokale.
Përmes këtij bashkëpunimi do të vlerësohet niveli i zbatimit të parimeve të Kartës Evropiane për Vetëqeverisje Lokale në Kosovë, si dhe do të zhvillohet udhërrëfyesi për komunat dhe institucionet për të fuqizuar demokracinë lokale në Kosovë.
Përmes këtij bashkëpunimi do të ndihmohen komunat për të forcuar kapacitetet e tyre përmes shkëmbimit të praktikave më të mira me komuna në vendet e BE-së.
Qeveria e Kosovës do të ndihmojë në këtë drejtim, duke avanuar ligjin për financat e pushtetit lokal dhe rregullativën tjetër ligjore.
