Zyrtari i PDK-së, Betim Gjoshi, ka bërë me dije se shtyrja e zgjedhjeve në katër komunat veriore është kërkesë e presidentit serb, Aleksander Vuçiq.
Në një postim në Facebook, ai ka shkruar se kryeministri Albin Kurti nuk duhet ta pranojë këtë kërkesë.
Sipas tij, institucionet e Kosovës duhet të zbatojnë ligjet dhe ta sigurojnë ambient për mbajtjen e zgjedhjeve në veri.
“Shtyrja e zgjedhjeve në katër komunat veriore është kërkesë e Aleksandër Vuçiqit dhe Listës Serbe. Këtë kërkesë të tyre nuk duhet ta çojnë në vend Albin Kurti, Vjosa Osmani dhe Xhelal Sveçla. Kryeministri, Presidentja dhe Ministri i Brendshëm nuk po arrijnë të zbatojnë Kushtetutën e Kosovës për të siguruar ambient për zgjedhje. Fafkeqësisht, dështimi i tyre është me pasoja të mëdha për Republikën e Kosovës. Kryeministri, Presidentja dhe Ministri i Brendshëm duhet të japin përgjigje dhe përgjegjësi se përse nuk po kalon shteti i Kosovës në veri të Republikës së Kosovës?”, ka shkruar Gjoshi.
