Diogo Dalot pritet të arrijë sot (e shtunë) në Itali për testet mjekësore te Milan, duke kompletuar një huazim nga Manchester United.
Sipas Sky Sport Italia, marrëveshja u arrit të premten vonë dhe mbrojtësi duhet të fluturojë drejt Italisë për testet mjekësore.
Roma gjithashtu kanë qenë të interesuar për mbrojtësin e djathtë, por ai ka zgjedhur Milanin.
Raportohej se Manchester United kërkonte deri në 30 milionë euro për 21 vjeçarin, kështu që ‘Rossonerët’ kanë pranuar një huazim, pa opsion blerje.
Dalot u transferua në ‘Old Trafford’ vetëm në verën e vitit 2018 nga FC Porto, për 22 milionë euro, por arriti të bënte vetëm 11 paraqitje konkurruese sezonin e kaluar, duke shënuar një gol.
Ai vuajti nga lëndimet gjatë gjithë vitit 2019.
