I prezantuar të premten si lojtar i ri i Atletico Madrid, Luis Suarez ka folur për objektivat e tij për këtë aventurë të re me colchoneros: “Jam këtu për t’i dhënë kontributin tim një klubi të madh si Atletico. Në vitet e fundit, me përjashtim të sezonit 2019-2020, kjo skuadër ka luftuar deri në fund me Barcelonën dhe Real Madridin. Kjo tregon dëshirën e pafundme që kanë colchoneros për të luftuar për kreun”, ka thënë Suarez.
“Ndihem mirë fizikisht, dua të harroj dëmtimet dhe operacionin në gju është një kujtim i largët tashmë. Do të stërvitem në maksimum për të dhënë më të mirën në këtë sfidë të re të karrierës sime”, ka përfunduar sulmuesi uruguaian.
