Seminari i 102-të Rose-Roth i Asamblesë Parlamentare të NATO-s, të hënën ka vazhduar punimet me sesionet VII dhe VIII. Tema të këtij seminari ishin: “Kontributi i Grave për Paqen dhe Sigurinë Rajonale”, dhe “Forcimi i Ligjit dhe Luftimi i Korrupsionit”.
Shefja e Zyrës së UN Women në Kosovë, Vlora Nushi, shtroi nevojën që të intervenohet në mënyrë grave t’u sigurohet hapësirë për kontributdhënie në të gjithat fushat të cilat vlerësohen vitale për paqen dhe sigurinë e shtetit.
Po ashtu, edhe Inspektorja e Përgjithshme e Forcës s Sigurisë së Kosovës, gjeneralmajore Irfete Spahiu, tha se nëse deri vonë konfliktet dhe luftërat janë bazuar vetëm në muskuj dhe forcë.
“Deri vonë konfliktet dhe luftërat janë bazuar vetëm në muskuj dhe forcë., ndërsa tani vlerësohen edhe aftësia akademike, intelekti dhe intelegjenca. Të gjitha këto kritere, siç tha ajo, i përmbushin edhe gratë që janë pjesë e Forcës së Sigurisë së Kosovës.”, ka thënë Spahiu.
Në këtë seminar në anën e panelistëve diskutuan ministrja e Drejtësisë, Albulena Haxhiu dhe përfaqësuesi i EULEX-it, Hubert Van Eck Koster.
“Sundimi i ligjit lidhet drejtpërdrejt me politikat e ministrisë që unë drejtoj, bazuar në reformat të cilat i kemi nisur dhe për të cilat konsideroj se jemi në rrugë të mbarë”, tha ministrja Haxhiu, duke përmendur këtu Vetingun në sistemin e drejtësisë, si proces shumë i ndjeshëm.
Në seminar morën pjesë rreth 100 pjesëmarrës, duke përfshirë deputetë nga vende anëtare të NATO-s dhe vendet partnere, drejtues të institucioneve të Kosovës, deputetë të Kuvendit dhe të ftuar të tjerë.
Komunikata e plotë:
Përfundoi punimet Seminari i 102-të Rose-Roth i Asamblesë Parlamentare të NATO-s
Seminari i 102-të Rose-Roth i Asamblesë Parlamentare të NATO-s, vazhdoi sot punimet me sesionet VII dhe VIII, me temën “Kontributi i Grave për Paqen dhe Sigurinë Rajonale”, si dhe “Forcimi i Ligjit dhe Luftimi i Korrupsionit”.
Nën moderimin e znj. Roberta Pinotti, Raportuese e AP-së të NATO-s, u diskutua mbi Avancimin e Agjendës së Grave, Paqes dhe Sigurisë në Ballkanin Perëndimor: Arritjet dhe Sfidat.
Referuar temës në fjalë, Shefja e Zyrës së UN Ëomen në Kosovë, Vlora Nushi, paraqiti sfidat me të cilat është përballur dhe po përballet njerëzimi, si pandemia, lufta në Ukrainë, çështja e refugjatëve, e shumë tema të tjera, të cilat, siç tha ajo, kanë krijuar sfida të reja në shoqëri, me theks të veçantë në pjesëmarrjen e grave në politikëbërje, paqeruajtje dhe barazi.
Znj. Nushi shtroi nevojën që të intervenohet në mënyrë grave t’u sigurohet hapësirë për kontributdhënie në të gjithat fushat të cilat vlerësohen vitale për paqen dhe sigurinë e shtetit.
Në anën tjetër, Inspektorja e Përgjithshme e Forcës s Sigurisë së Kosovës, gjeneralmajore Irfete Spahiu, tha se nëse deri vonë konfliktet dhe luftrat janë bazuar vetëm në muskuj dhe forcë, ndërsa tani vlerësohen edhe aftësia akademike, intelekti dhe intelegjenca. Të gjitha këto kritere, siç tha ajo, i përmbushin edhe gratë që janë pjesë e Forcës së Sigurisë së Kosovës.
Për më tepër, Spahiu u shpreh se institucioni ku ajo vepron nuk vuan nga inferioriteti gjinor dhe si i tillë është vlerësuar për të disatën herë si institucioni më i besueshëm në nivel vendi.
Me përfundimin e pyetjeve dhe përgjigjeve rreth temave të lartcekura, u përmbyll sesioni VII, për të vazhduar me sesionin VIII dhe të fundit.
Sesioni lidhur me Forcimin e Ligjit dhe Luftimin e Korrupsionit u moderua nga Raportuesi Special i Komitetit të Shkencës dhe Teknologjisë të AP të NATO-s, Sven Clement, ndërsa në cilësi të panelistëve diskutuan ministrja e Drejtësisë, Albulena Haxhiu dhe përfaqësuesi i EULEX-it, Hubert Van Eck Koster.
Në fjalën e saj, ministrja Haxhiu potencoi rëndësinë e temës së sotme, e cila, siç tha ajo, është njëra prej dy qëllimeve kyçe të ministrisë të cilën ajo e drejton, por edhe të qeverisë në përgjithësi, e që lidhen me shtetin e së drejtës dhe punësimin përmes zhvillimit ekonomik.
“Sundimi i ligjit lidhet drejtpërdrejt me politikat e ministrisë që une drejtoj, bazuar në reformat të cilat i kemi nisur dhe për të cilat konsideroj se jemi në rrugë të mbarë”, tha ministrja Haxhiu, duke përmendur këtu Vetingun në sistemin e drejtësisë, si proces shumë i ndjeshëm.
Gjithashtu ministrja Haxhiu foli edhe për aspektet e luftimit së krimit të organizuar dhe të korrupsionit, në të cilat ajo tha se Kosova ka shënuar progres, si rezultat i vulletit dhe i punës së institucioneve të Kosovës.
Në lidhje me këtë ajo përmendi një varg ligjesh të miratuara nga Kuvendi i Kosovës, ndërsa paraqiti angazhimet kyçe në të cilat dikasteri që ajo drejton është i fokusuar aktualisht.
Më pas, për të folur më shumë mbi rolin e EULEX-it në Kosovë, fjalën e mori Shefi i Njësisë për Monitorimin e Rasteve në kuadër të këtij misioni, Hubert Van Eck Koster, i cili foli për përgjegjësitë dhe kompetencat ekzekutive të EULEX-it deri në vitin 2018, të cilat më pas u janë bartur institucioneve të Kosovës.
Koster tha se EULEX-i vazhdon të ofrojë kontributin e tij në mbështetje të Policisë së Kosovës, Interpolit dhe të Europolit, ndër të tjera, edhe në identifikimin e mbetjeve mortore nga lufta e fundit.
Ai foli gjithashtu për fokusin e EULEX-it në parandalimin dhe luftimin e korrupsionit, duke u ndalur gjithashtu te legjislacioni i përgatitur lidhur me këtë çështje.
Tutje, u hapën diskutime nga ana e pjesëmarrësve, me pyetjet e adresuara panelistëve, të cilët dhanë përgjigjet e tyre në çështjet e ngritura.
Sesioni VIII ishte edhe sesioni përmbyllës i Seminarit të 102-të Rose Roth të Asamblesë Parlamentare të NATO-s, i filluar të shtunën, më 8 tetor 2022.
Në përmbyllje seminari u konsiderua i një rëndësie të veçantë, me përmbajtje dhe diskutime të frytshme të panelistëve dhe të pjesëmarrësve të tjerë, në temat e trajtuara.
Në seminar morën pjesë rreth 100 pjesëmarrës, duke përfshirë deputetë nga vende anëtare të NATO-s dhe vendet partnere, drejtues të institucioneve të Kosovës, deputetë të Kuvendit dhe të ftuar të tjerë.
