Policia e Kosovës ka konfirmuar se në vendin ku është vrarë heroi Enver Zymberi, janë vendosur flamuri i Serbisë dhe parullat në serbisht “Këtu jemi”.
Me anë të komunikatës, bëhet e ditur se edhe kurorat me lule të vendosura në vendin ku ishte vrarë polici, të vendosura nga kryeministri i Kosovës, Albin Kurti dhe ministri i Punëve të Brendshme, Xhelal Sveçla, janë shkatërruar.
“Fsh. Varage e Poshtme, Zubin Potok 09.09.2022 – NN. Janë shkruar grafitë (parulla)- “Këtu jemi” në gjuhën serbe dhe flamuri i Serbisë. Këto grafite janë hasur në vendin e rënies së heroit Enver Zymberi. Po ashtu, aty janë shkartuar kurora me lule që ishin vendosur ditë më parë në atë vend”, thuhet në komunikatë.
Sipas Policisë, ende nuk është arrestuar asnjë i dyshuar lidhur me rastin.
