Meghan Markle flet për arsyen se përse mendoi të bënte vetëvrasje: Nuk dua që askush të ndihet vetëm

Meghan Markle zbuloi se foli për mendimet e saj për vetëvrasje sepse dëshiroi që “Askush të mos ndihet vetëm” – duke shtuar se kur je kaq poshtë, mund të jetë e vështirë “nuk sheh një rrugëdalje”.

Dukesha e Sussex, 41-vjeçare, u pyet për vendimin e saj për të detajuar momentin që mendoi t’i jepte fund jetës ndërsa jetonte brenda mureve të pallatit dhe pranoi se “nuk ishte një vendim i lehtë për t’u marrë, siç mund ta imagjinoni”.

E pyetur pse zgjodhi ta zbulonte këtë gjatë intervistës me Oprah Winfrey në mars 2021, Markle i tha një turme në ceremoninë e çmimeve “Ripple of Hope” të martën mbrëma: “Nuk dua që askush të ndihet vetëm”.

“Dhe kur ju keni kaluar çdo gjë që është sfiduese, dhe të gjithë, veçanërisht në vitet e fundit me izolim dhe COVID-19, kjo rritje në numrin e njerëzve që kanë një përvojë që mund të mos e shprehin”.

“Ne të gjithë duhet që, kur të mundemi, nëse ndihemi mjaft të guximshëm, thjesht të flasim sinqerisht për përvojën tonë”, tha ajo: “Kjo u jep njerëzve të tjerë hapësirë dhe kurajo për të bërë të njëjtën gjë, por më shumë se kaq për të ndier vërtet, sikur nuk je vetëm, sepse mendoj se kjo është shpesh ajo që mund të jetë pengesa më e madhe kur ndihesh kështu, nuk sheh një rrugëdalje”.

Gjatë intervistës së Winfrey, Markle i mahniti shikuesit kur tha se në një moment mendoi të kryente edhe vetëvrasje.

“Shiko, më vinte vërtet turp ta thosha në atë kohë dhe më vinte turp që duhej t’ia pranoja Harryt veçanërisht, sepse e di sa shumë humbje ka pësuar, por e dija që nëse nuk e thosha, atëherë do ta bëja atë”, pranoi ish-aktorja: “Thjesht nuk doja të isha më gjallë”.

“Por në fund të fundit, nëse mendoni se ka dikush tjetër që ka një përvojë të tillë, ata kanë kaluar në anën tjetër dhe kanë dhënë shembullin e qëndrueshmërisë, një shembull që ‘ka një fund të lumtur’, mendoj se kjo është ajo që shumica e njerëzve ndoshta po kërkojnë në ato momente”, vazhdoi mes tjerash ajo.

“Dhe kjo është arsyeja pse mora vendimin të them thjesht ‘nëse përvoja ime mund të ndihmojë dikë tjetër të mos ndihet në të njëjtën mënyrë ose të dijë se ka shpresë, atëherë ia vlen çdo sekondë e çdo gjëje që vjen me të’”.

Harry këmbënguli që bota duhet të ndajë historitë e tyre, duke thënë: “Në fund të fundit ne jetojmë në këtë botë tani ku shkëmbimi i përvojave dhe shkëmbimi i historive ka një ndikim të jashtëzakonshëm”.

Ai shtoi: “99 për qind e njerëzve në planet po përballen me një formë traume, humbjeje ose dhimbjeje, aq më tepër që nga viti 2020”.