Një rënie e re e çmimit të naftës u regjistrua sot në tregun botëror pas vendosjes së kufizimeve të reja për frenimin e pandemisë në Kinë.
Sanksionet e Bashkimit Evropian (BE) kundër eksporteve të naftës ruse ndikuan në ndjesinë e tregut, duke kufizuar rënien e mëtejshme të çmimeve.
Çmimi i referencës ndërkombëtare i naftës së papërpunuar Brent ishte 93,81 dollarë për fuçi mëngjesin e sotëm, pasi ra me 1,29 për qind.
Standardi amerikan West Texas Intermediate (WTI) u tregtua me 87,64 dollarë për fuçi ndërsa çmimi i naftës ra me 1,62 për qind.
Disa qytete, përfshirë Wuhanin në Kinë, konsumatori i dytë më i madh i naftës në botë, janë vendosur në karantinë në kuadër të politikës së normës zero kundër pandemisë së COVID-19.
Kufizimet përfshijnë mbylljen e më shumë se 800 mijë njerëzve në një qark në Wuhan deri më 30 tetor. Masat erdhën pasi Kina raportoi më shumë se 1.000 raste me COVID-19 për të tretën ditë radhazi. Masat e reja vlejnë edhe për Zhengzhoun.
Çmimet e naftës në tregun botëror janë në rënie prej disa ditësh.
