Gerard Pique ka shkaktuar polemika të tjera me ish-partneren e tij, Shakira, pasi u shfaqën foto të fëmijëve të tyre dhe të dashurës së re, Clara Chia, duke kaluar kohë së bashku.
Dyshja kanë qenë në qendër të një ndarjeje tejet publike dhe e ardhmja e fëmijëve të tyre ende nuk është vendosur plotësisht.
Tani ka sugjerime se Chia po jeton me Piquen dhe fëmijët, gjë për të cilën Shakira nuk ka gjasa të jetë e lumtur.
Clara dhe Pique (Foto: Backgrid)
Programi El Gordo y la Flaca publikoi pamjet që tregojnë Chia me Milanin dhe Sashan në Cendanya.
Debati kryesor është se ajo shfaqet mbrapa, për këtë arsye pretendojnë se mund të jetë nëna e Piques, edhe pse përgjegjësit e programit këmbëngulin se është Clara.
Pamjet u kapën shumë pranë rezidencës së tyre të dytë, një shtëpi në të cilën Pique është parë shumë herë me Shakiran, pranë Pirenejve Katalanas në një truall prej rreth 2000 metrash katrorë.
Pique është i bindur se Milani dhe Sasha duhet të qëndrojnë në Barcelonë me të, për të mos u ndarë nga rrethi në të cilin kanë lindur.
Megjithatë, Shakira synon t’i marrë fëmijët me vete në Miami, ku ka një shtëpi dhe ku dëshiron të vazhdojë karrierën e saj muzikore.
Pique dhe Shakira u ndanë në qershor pas 12 vitesh.
