Pesë persona raportohet se kanë vdekur pasi një varkë në Zelandën e Re u përmbys pas një përplasjeje me një balenë, raportojnë mediat lokale.
Transmetuesi publik i Zelandës së Re RNZ (Radio Zelanda e Re) raportoi të shtunën se anija u përmbys në gjirin e Goose pranë qytetit të Kaikoura në ishullin jugor.
Kryetari i bashkisë së Kaikoura, Craig Mackle i tha agjencisë së lajmeve Associated Press se deti ishte i qetë në kohën e aksidentit dhe supozohej se një balenë kishte dalë nga poshtë varkës dhe e kishte kthyer atë.
Varka që u përmbys ishte marrë me qira nga një grup grash.
Kaikoura është një destinacion popullor për shikimin e balenave. Shtrirja e detit zbret me shpejtësi nga bregu, duke krijuar ujëra të thella afër bregut.
