Moderatoren e njohur shqiptare Liberta Spahiun e kemi parë gjithmonë t’i bëjë pyetjeve të ftuarve, por së fundmi në “Prive Reality”, ishte vetë ajo që u pyet gjatë një loje.
“Me cilin prej ish-ave do mund të kaloje një javë izolimi bashkë?”, ishte pyetja të cilës Liberta duhej t’i përgjigjej
Moderatorja i habiti të gjithë duke thënë se do e kalonte një javë me të gjithë pasi nuk është ndarë keq. Madje do donte t’i kishte ende shokë. Ajo zbuloi se i ka ftuar dhe në emision, por nuk i kanë ardhur.
“Unë si unë si Libertë do doja që… ndonjëherë shokët edhe shoqet më thonë je ndarë keq, edhe vetë unë nuk mendoj që jam ndarë keq me ndonjërin prej tyre kam qenë shumë korrekte transparente dhe e drejtpërdrejtë që kam thënë “gjeje dikë se unë nuk mundem me këtë gjë.” Edhe nëse më pyesin unë e kisha kaluar një javë më gjithsecilin prej tyre. Me të gjithë”, tha moderatorja.
Më pas të ftuarit e saj e vunë në siklet duke këmbëngulur që ajo të thoshte një emër.
