Adriana Lima njoftoi të premten (18 shkurt) se është shtatzënë me fëmijën e saj të tretë.
40-vjeçarja e që ka pozuar në “Vogue” u tregua kreative teksa postoi në TikTok dhe ndau lajmin e lumtur me fansat e saj.
Babai i fëmijës së saj është producenti i filmit, Andre Lemmers III, bukuroshja braziliane tashmë ka vajzat Valentina, 12 vjeç dhe Sienna, 9 vjeç, me ish-bashkëshortin e saj Marko Jaric.
Në videon e re të TikTok, modelja shihet e veshur në të bardha ndërsa mban testin e saj të shtatzënisë, dhe mund të shihet rezultati i cili është pozitiv.
Kujtojmë që Adriana njihet më së shumti si modele e “Victoria’s Secret”, e cila hapi shfaqjen në pesë raste në vitin 2003, 2007, 2008, 2010 dhe 2012, shkruan DailyMail.
Ylli ka punuar gjithashtu për Giorgio Armani, Vera Ëang, Louis Vuitton, Prada, Christian Dior dhe Anna Sui.
Ky lajm i mirë vjen pasi Lima shiti rezidencën e saj në Florida për 40 milionë dollarë, duke bërë që të ketë një fitim fantastik pasi bleu pronën në Miami për 9 milionë dollarë në 2010.
Shtëpia e Gjirit Biscayne – e cila ndodhet në ishullin Indian Creek, me nofkën Bunkeri i Miliarderëve të Amerikës – ka në listë fqinjësh duke përfshirë Ivanka Trump dhe Jared Kushner.
Në zonë është edhe ish-kolegja e saj Gisele Bundchen dhe bashkëshorti i saj Tom Brady.
