Ilir Shaqiri është shpallur fitues i Big Brother VIP.
Pas kësaj në rrjete sociale ka pasur thumba dhe ironi të shumta për mënyrën e shpalljes se fituesit.
Më e fundit ka qenë nga këngëtarja Flaka Krelani, e cila në vitin 2014 ka qenë përballë Lori Hoxhës në “Dancing With The Stars 4”, ku kjo e fundit u shpall fituese. Ndërkohë që në juri ishte kryetar Ilir Shaqiri që dha edhe vendimin.
Kjo situatë ka bërë Flakën ta konsideroj një “kthim borxhi” çmimin e parë në “BB VIP”.
“Si thuhet shqip: Kthema Borxhin”, ka shkruar motra e këngëtares, Qeqa dhe Flaka e ka shpërndarë duke e shoqëruar me shkrimin: “Sa shumë e duan shqiptarët këtë këngë, do ta këndoj sonte”.
Ndryshe, Iliri është fitues i çmimit prej 100 mijë euro.
Tre finalistët e tjerë, aktori Donald Veshja, modelja Beniada Nishani (Jakic) dhe prezantuesja Einxhel Shkira fituan secili nga 10 mijë euro.
