Një grua me sindromën Down ka treguar se si ka nënshkruar kontratë me një agjenci të madhe modelimi pasi ka parë punën e modeles Ellie Goldstein.
Beth Matthews, 22 vjeç, nga Uells, vendosi të merrej me modelim pasi pa Ellie, e cila gjithashtu ka sindromën Down, duke përfaqësuar Gucci në një fushatë.
Ajo tani ka nënshkruar kontratë me Zebedee, të njëjtën agjenci modelimi gjithëpërfshirëse si Ellie, transmeton rtv21.tv.
Zebedee, i cili u lançua pesë vjet më parë, janë ‘agjentë specialistë të talenteve’ që ofrojnë modele dhe aktorë të ndryshëm në mbarë botën dhe konsiderohen si furnizuesi ‘lider në botë’ i talenteve me aftësi të kufizuara dhe paraqitje alternative.
Rruga e Beth-it drejt modelimit filloi kur familja e saj kërkonte mundësi, pasi vuri re një kërkesë më të madhe për personat me aftësi të kufizuara vitet e fundit.
Nëna e Beth-it, Fiona Matthews, tha se që nga fillimi i modelimit vajza e saj 22-vjeçare ka lulëzuar dhe vetëm gjysmë ore në fotosesionin e saj të parë, ajo po bënte ‘absolutisht të mahnitshme’.
Rreth 47,000 njerëz kanë sindromën Down në Mbretërinë e Bashkuar dhe në vitet e fundit, kërkesa për modele dhe aktorë me aftësi të kufizuara është rritur masivisht./
