Pas përfundimit të festave, bashkatdhetarët që erdhën për fundvit po largohen drejt vendeve ku jetojnë e punojnë, gjë që ka bërë të vihet re një fluks në pikë kalimet kufitare në dalje të vendit.
Në pikë kalimin kufitar në Merdare pritjet në dalje janë deri në 3 orë, ndërsa radha e automjeteve është deri në 1.4 kilometra.
Në pikë kalimin kufitar Dheu i Bardhë pritjet janë mbi dy orë, ndërsa radha e kolonave shkon deri në 200 metra.
Në Muçibabë dhe Jarinje pritjet në dalje shkojnë deri në gjysmë ore, ndërsa pak më pak ju duhet të prisni nëse zgjidhni pikë kalimin kufitar Mutivodë.
