Sot në Klinikën e Gjinekologjisë ka ndodhur një rast shumë i rrallë.
Në Qendrën Klinike Universitare të Kosovës u lind një foshnje me peshë rreth 6,5 kilogram.
Lindja e një foshnje me një peshë të tillë përbën një rast unik në historinë e Klinikës së Gjinekologjisë.
Shërbimi Spitalor Klinik Universitar i Kosovës ka njoftuar se lindja e foshnjës është kryer me sukses me anë të operimit.
“Mes vështirësive, të cilat i ka krijuar Pandemia COVID-19, sidomos ditëve të fundit, një ekip i përbërë nga gjinekologë, anesteziologë dhe mami, realizuan suksesshëm lindjen me operacion”, thuhet në njoftimin e ShSKUK-së.
Pacientja me inicialet I.P. nga Drenasi edhe dy lindje më parë i ka kryer me anë të operacionit.
Pacientja dhe foshnja janë në gjendje të mirë shëndetësore.
