Infektologia sllovene Bojana Beoviq paralajmëroi sot se një katastrofë epidemiologjike mund të godiste Slloveninë në vjeshtë nëse personat mbi 50-vjeç nuk vaksinohen gjatë muajit gusht.
Numri i infeksioneve ditore është në rritje, u tha ajo gazetarëve, duke shtuar se kjo pritej duke pasur parasysh dominimin e variantit më ngjitës delta.“Më shumë se një e treta e të pa vaksinuarve janë në atë popullsi dhe është e rëndësishme që ata të mbrohen në gusht, përndryshe një katastrofë na pret në vjeshtë, spitalet përsëri do të jenë të mbushur me pacientë,” paralajmëroi Beoviq, e cila drejton grupin e vaksinimit në Slloveni.Në javën nga 18 deri në 25 korrik, në laboratorët e autorizuar sllovenë, sekuenca përcaktoi se 98.1 për qind e mostrave të analizuara të koronavirusit ishin variante delta, njoftoi qeveria të martën, duke shtuar se burimi i infeksionit ishte në transmetimet lokale, por edhe nga “importet” nga vendet e tjera.Për shkak të përkeqësimit të rritjes së numrit të infeksioneve, Sllovenia mund të kalojë nga një fazë e sigurt, “jeshile” në një fazë më të rrezikshme, “portokalli” të epidemisë deri në fund të kësaj jave, njoftoi televizioni slloven, duke iu referuar koordinatorit për vaksinim Jelko Kacin.“Virusi delta po përhapet me shpejtësi dhe në Slloveni mund të flasim për rritjen eksponenciale të infeksioneve me atë variant, i cili tani dominon, kështu që ne jemi në një pozitë vërtet të vështirë,” tha Kacin.“Duket se ne do të hyjmë në fazën portokalli dhe është momenti i fundit të bindim njerëzit se duhet të vaksinohen para se përhapja e variantit delta të arrijë përmasa të tilla që do të na duhej të fillonim përsëri mbylljen e ekonomisë dhe aktiviteteve të tjera,” tha Kacin.Sllovenia kishte 181 raste në 24 orët e fundit, që paraqet një rritje prej 71 për qind në krahasim me një javë më parë, dhe parashikimet thonë se infeksionet ditore mund të dyfishohen deri në fund të javës së ardhshme, raportojnë mediat sllovene.
