Pasaporta e re zvicerane është në dispozicion tani. Nga sot, 31 tetor 2022, mund të porositet nga zyrat kantonale të pasaportave ose përfaqësitë zvicerane jashtë vendit.
Seria e re e pasaportave është në përputhje me standardet më të fundit të dokumenteve të identitetit dhe përfshin elemente unike të dizajnit të frymëzuar nga peizazhi zviceran.
Si më parë, të dhënat biometrike ruhen në mikroçipin e vendosur në kapakun e pasaportës. Të dhënat e ruajtura në çip mund të lexohen vetëm me një pajisje që garanton transmetim të koduar.
Gjurmët e gishtave janë të mbrojtura posaçërisht. Zvicra u jep akses në gjurmët e gishtave vetëm vendeve që kanë mbrojtje të të dhënave ekuivalente me atë në Zvicër, siç shkruan në deklaratën e saj Zyra Federale e Policisë.
Të gjitha lejet e lëshuara më parë mbeten të vlefshme deri në datën e skadencës të shënuar në to.
