Këngëtarja e njohur me origjinë shqiptare, Ava Max, dha një intervistë për revistën prestigjioze, “Maxim”.
Në intervistën e saj, këngëtarja shqiptare foli për projektet e saj muzikore, por edhe për jetën e saj personale. Ajo zbuloi se albumi i saj i dytë do të lansohet në janar, dhe titullohet “Diamond & Dancefloors”.
“Një ndarje shumë e keqe ndryshoi perceptimin tim për gjithçka, mënyrën se si e shikoj jetën, si shkruaj muzikë, si ndihem për flokët e mi, gjithçka që është e rëndësishme për mua”, ka thënë ajo.
“Ndarja më ndryshoj, kjo është arsyeja pse kam shkruar shumë lloje të ndryshme tekstesh që nuk i kam shkruar kurrë më parë. Çdo këngë është shumë emocionuese dhe gjithashtu të bën të duash të kërcesh në të njëjtën kohë”, tha Ava Max për revistën.
Kënga e saj më e fundit, “Million Dollar Baby”, është një këngë shëruese, një këngë që lajmëron një Ava Max të re dhe të shëruar.
“Ka të bëjë me mua dhe ideja që të ndihmoj veten dhe të mos mbështetem te dikush tjetër për të zgjidhur problemet e mia dhe të jem drita ime në errësirë. Kështu që ai, për mua, ndihet si projekti i parë nga Diamonds & Dancefloors”, tha ajo për këngën, duke e krahasuar atë me “Maybe You’re the Problem”, e cila u lançua pranverën e kaluar”.
Edhe pse nuk është etiketuar në mënyrë konkrete, projekti është një pjesë shoqëruese e “Sweet but Psycho”, këngës që e bëri të famshme Ava Max në vitin 2018.
“Mendoj shumë gra ndihen kështu, edhe burrat, por kryesisht grate, njerëzit e pëlqyen sepse ishte qesharake, por gjithashtu ata e kuptuan mesazhin pas saj. Ata disi mësuan përmes asaj kënge, ‘Hej, nuk mund ta quash thjesht një vajzë psikopate”, tha ajo për suksesin e këngës së saj”.
