Sot gjatë ditës Gjykata Themelore në Pejë, e ka shpallur fajtor dhe e ka dënuar me 7 vite e 6 muaj burgim të akuzuarin Shaban Gogajn, për vrasjen e Agonis Tetaj, në shtator të vitit 2018 në Deçan.
Rreth kësaj, ka reaguar nënkryetarja e Partisë Demokratike të Kosovës, Vlora Çitaku.
Nëpërmjet një postimi në Facebook, Çitaku, këtë vendim e ka cilësuar si skandal.
Po ashtu, nënkryetarja e PDK-së, ka thënë se kjo është edhe turp.
“7 vjet e gjysmë dënimi për vrasje. 7 vjet e gjysmë. Skandal. Turp. Tmerr”, ka thënë Çitaku.
