Këngëtarja Britney Spears ka disa fjalë të ashpra për babain e saj, Jamie Spears dhe nënën e saj, Lynne Spears.
Mbrëmjen e së dielës, këngëtarja e “Oops!…I Did It Again” ka postuar në Instagram një audioklip, me disa fjalë të ashpra për të dy prindërit e saj.
Ajo zbuloi se prindërit e saj, Jamie dhe Lynn, e udhëzuan të bënte rezonanca të shumta magentike gjatë kujdestarisë 13 vjeçare, përpara se të dërgohej në “atë vend”, me gjasë duke iu referuar një qendre rehabilitimi.
Spears tha se për herë të parë kishte bërë rezonancë për një kist në gjoks kur ishte më e re, rreth tetë vjeç.
Sidoqoftë, Spears tha se ajo iu nënshtrua tre MRI-ve të tjera gjatë gjithë kohës së kujdestarisë së saj, e cila filloi në 2008. Ajo tha se procedurat nuk kishin kuptim për të, dhe se ajo madje dyshoi se prindërit e saj po fshihnin diagnozën e vërtetë pasi mendonte se mund të kishte kancer.
Tani që është liruar nga kujdestaria e babait, e cila përfundoi në nëntor të 2021, ajo thotë se “asgjë nga këto nuk ishte e vërtetë”.
“Gjëja më e vështirë është se [prindërit e mi] thjesht po tregoheshin të këqij dhe ndjeva sikur babai im po përpiqej të më vriste dhe shpresoj që të digjet në ferr. Është e vështirë për mua të pranoj faktin që familja ime ma bëri këtë. Unë do ta them me zë të lartë dhe krenar, lutem që të dy të digjeni në ferr!”.
