Numri një i Federatës së Futbollit të Kosovës, Agim Ademi është deklaruar shumë i lumtur por edhe emocional që Kosova sot po e pret një mysafirë të madh, shkruan Demokracia.com.
Presidenti I FIFA-s, Giani Infantino sot po qëndron në Prishtinë me ftesë të Ademit dhe ky është një mesazh i madh që futbolli ynë tashmë është në rrugë të mbarë që premton një të ardhme të madhe.
“I lumtur dhe i nderuar që sot e mirëprita presidentin e FIFA-s, Gianni Infantino, në vizitën e tij historike në Kosovë.
Ardhja e tij dëshmon respektin dhe përkushtimin që ai dhe shtëpia e futbollit botëror kanë për Kosovën dhe FFK-në.
Mirë se erdhe President!”, ka shkruar Presidenti Agim Ademi pas pritjes që i bëri Infantinos.
