Kim Kardashian ka vendosur në shitje shtëpinë e saj në Hidden Hills, Kaliforni, për 5.3 milionë dollarë apo mbi pesë milionë euro.
Rezidenca e yllit televiziv ka katër dhoma gjumi dhe katër banja, teksa përfshin 3,874 metra katrorë mbi 1.5 hektarë.
Shtëpia me dy pjesë është ndërtuar në vitin 1957 dhe përfshin një garazh në të cilin mund të futen katër automjete.
Foto: Berkshire Hathaway
Shtëpia në fjalë ndodhet pranë shtëpisë kryesore të Kimit, një rezidencë prej 60 milionë dollarësh (afro 60 milionë eurosh) që ajo ndante më parë me ish-bashkëshortin e saj, Kanye West.
Një dhoma familjare në këtë vilë ka tavane me trarë dhe dysheme druri me dritare të mëdha dhe një oxhak.
Dhoma e gjumit në shtëpi ka gjithashtu një oxhak të mbështjellë me gurë.
Foto: Berkshire Hathaway
Zona e jashtme e shtëpisë përmban një pishinë me një zonë ‘spa’ dhe oborr të veçantë.
Shtëpia përfshin gjithashtu një dhomë bonus me një hapësirë zyre.
Foto: Berkshire Hathaway
Kardashian e bleu pronën në tetor të vitit 2019 për 1.6 milionë dollarë apo 1.5 milionë euro. 
