SBASHK-u me anë të një komunikate për media ka bërë me dije se takimi i tyre me ministrat Murati e Nagavci, është zhvilluar në tensione të mëdha dhe pa ndonjë rezultat konkret.
Sipas kësaj komunikate qysh në fillim të këtij takimi ministrat Hekuran Murati e Arbërie Nagavci, ka folur me tone të ashpra dhe kërcënuese duke u kërkuar atyre që të ndërprejnë grevën dhe pastaj mund të dialogohet.
Nga SBASHK-u kanë thënë se kjo qasje tregon se qeveria ose nuk po do ose nuk po di se si funksionojnë organizimet sindikale dhe grevat, sepse grevat sindikale sipas tyre bëhen me qëllim që të ketë dialog.
i=”zL3JIFLNOS3U2lLIhOc7y3Lv3QcXaoqx3gVj4QvjbwH3V_XJ6GguuoyRZ-1EtomsQC46yXZDsxvts-i36XXPUg**” data-observe-time=”1052″ data-observe-start=”1662799208973″ data-observing=”yes” data-load-fired=”true” data-shown=”1″>
Në komunikatë thuhet se tash e tutje Këshilli Grevist do të shkojnë në takime vetëm atëherë kur qeveris të sillet si e barabartë me ta në takim, në të kundërtën jo dhe se takime të stilit ju sindikatat heshtni pranoni atë që themi ne dhe ndërprisni grevën nuk do të ketë më.
Komunikata e plotë:
“Qeveria nuk do zgjidhje të kërkesave, prandaj greva vazhdon
Me muaj të tërë Qeveria i ka ikur dialogut me sindikatat dhe nuk është angazhuar fare për zgjidhjen e kërkesave legjitime të punëtorëve në sektorin publik. Kjo qasje e gabuar ka sjell edhe deri të greva e përgjithshme që po vazhdon që nga 25 gushti dhe me këtë qasje të Qeverisë nuk dihet edhe sa do të zgjas.
Këshilli Grevist i BSPK-së dhe ai i SBASHK-ut donin të besonin se më në fund po nis dialogu i sinqertë me Qeverinë dhe do të krijoheshin kushtet për arritjen e marrëveshjes së pranueshme, por takimi në MASHTI me ministren Nagavci e zv/ministrin Pupovci e pastaj takimi në Këshillin Ekonomik Social , në të cilin ishin përfaqësuesit e BSPK-së, disa nga Odat dhe përfaqësuesit e Qeverisë me përfaqësuesit kyç Hekuran Murati e Arbërie Nagavci.
Kryetari i SBASHK-ut Rrahman Jasharaj , kryetari i Federatës sindikale të shërbyesve civil Ali Gashi, por edhe përfaqësuesit tjerë të BSPK-së disa herë iu drejtuan me lutje përfaqësuesve të Qeverisë dhe pjesëmarrësve të tjerë që të debatojnë qetë dhe të ndihmojnë që të ketë takim të Qeverisë me përfaqësuesit e BSPK-së, pra me Këshillin Grevist. Mirëpo debatet e kulturuara e gjithë këto lutje në fillim të takimit sikur i trimëruan Muratin e Nagavcin, që kushtëzonin pa të drejt se pa as edhe një takim dhe pa as edhe një marrëveshje të mbyllej greva. Kjo dëshmoi se ata ose nuk duan ose nuk dinë vërtetë as gjë për dialogun dhe veprimet sindikale . Greva ndodh kudo në botë për të nxitur Qeverinë për të ndodhur dialogu e ofruar zgjidhje të pranueshme për kërkesat e grevistëve në mënyrë që të mbyllet greva e në Kosovë përfaqësuesit e Qeverisë e donin të kundërtën dhe me qëllim të caktuar. Ata insistonin që të mbyllet greva e pastaj të bëhej ,kinse, dialogu. Kjo tregon se ata vërtetë nuk e duan dialogun e as zgjidhjen e kërkesave legjitime të grevistëve . Ata për të mos u parë nga opinioni qëndrimi i tyre dhe kryeneçësia nuk kishin ftuar as mediet që të përcjellin takimin në MASHTI e as në ambientet e Qeverisë.
Tani e tutje përfaqësuesit legjitim të BSPK-së, pra Këshilli Grevist do të shkoj në takime, por vetëm atëherë kur qeveria sillet si palë e barabartë dhe zhvillon debat përmbajtjesor dhe merret me kërkesat e grevistëve. Takime në stilin ju sindikatat heshtni dhe pranoni ato që po themi ne nuk do të ketë më. Qeveria është i vetmi fajtor dhe deri sa ajo vazhdon me injorancë e fjalime të thata, greva do të vazhdojë sepse kështu kanë vendosur, jo individët, por grevistët.
Prishtinë, 10 shtator
Këshilli Grevist i BSPK-së,
Këshilli Grevist i SBASHK-ut”, thuhet në komunikatë
