Prej disa kohësh po përflitet se futbollisti i famshëm, Gerard Pique, është në një romancë me Clara Chia. E që kur lidhja e tyre u bë publike, të gjithë janë duke pyetur: “Çfarë roli ka partnerja e re në kompaninë e futbollistit, ‘Kosmos’”?
Mediat e huaja shkruajnë se 23-vjeçarja punon në departamentin administrativ, pjesërisht falë trajnimit të saj për marrëdhëniet me publikun. Përveç kësaj, Chia tashmë është njohur me kompaninë, pasi në fillime ka punuar atje si praktikante.
Ndërkohë kujtojmë se çifti u takua në një nga klubet që mbrojtësi i Barcelonës vizitoi me disa shokë të tij të skuadrës, si Riqui Puig, ku Chia punonte si kameriere. Që atëherë, Pique është frekuentuar rregullisht me të.
