Ambasadori i SHBA-së, në Kosovës, Jeff Hovenier së bashku me presidenten, Vjosa Osmani dhe kryeministrin Albin Kurti kanë bërë homazhe para obeliskut për personat e pagjetur në Prishtinë në Ditën Ndërkombëtare të të Pagjeturve.
Hovenier ka thënë se mbeten të përkushtuar për të kërkuar dhe gjetur të vërtetën.
“I nderuar që iu bashkova Vjosa Osmanit Albin Kurtit & familjarëve të të zhdukurve për t’i nderuar në Ditën Ndërkombëtare të të Pagjeturve”, ka shkruar Hovenier.
“Ne mbështesim çdo person që është në pritje të lajmeve për të dashurit e tyre të zhdukur dhe mbetemi të përkushtuar për t’i kërkuar dhe gjetur të vërtetën”.
