Një postim i artistes shqiptare Rina Balaj shkaktoi bujë dhe bëri që të përflitej se mund të ishte shtatzënë.
Artistja, e cila është prej disa vitesh në një lidhje me reperin SinBoy, postoi një video në rrjete sociale duke luajtur me macen e saj, e cila vendoste këmbët te barku i saj.
Mirëpo, ajo publikoi një mesazh të një fanseje, e cila thoshte se kur kjo ndodh do të thotë se je shtatzënë. “Ne themi se kur një mace e bënë këtë me këmbët e saj në bark do të thotë se je shtatzënë”. Kaq mjaftoi që rrjeti të ziente për një shtatzëni të mundshme.
Sakaq, Rina ka reaguar sërish duke hedhur poshtë lajmet por nuk ka kursyer dhe ironinë. “Rina shtatzënë për herë të parë”, akoma nuk ka ndryshuar ky titull që katër vjet”. shkroi këngëtarja në një postim në InstaStory.
