Xhensila Myrtezaj dhe Bes Kallaku, ka vite prej kur janë të martuar, dhe janë prindër të një vajze.
Së fundi këngëtarja ka sjellur një rrëfim nga jeta e saj profesionale dhe personale e ftuar në “A live night”,.
Ajo ka zbuluar se si çdo marrëdhënie tjetër, lidhja e tyre ka pasur vështirësitë e veta, të cilat i kanë kaluar gjithmonë me dashuri.
Teksa tregoi një histori, Xhensila tha se ajo vetë është shumë romantike, ndërsa Besi sipas saj, mundohet, por jo çdo gjë shkon siç duhet, dhe kjo ka ndodhur në propozimin e martesës.
Xhensila tregoi sesi ajo e zbuloi përpara surprizën e propozimit dhe e gjitha u anulua, sepse ajo është tepër romantike.
“Për propozimin e martesës, ne ishim në Meksikë në Kankun dhe Besi kishte organizuar gjithçka buzë oqeanit. Një shtëpi me tenda, me ata mariaçët që do hynin ndërkohë që Besi do më propozonte për martesë dhe pikërisht një natë më përpara unë pash këtë skenën me një çift tjetër. I thash Besit ‘ua sa bukur Besi lum si ajo’. Ai nuk dinte ku të fuste kokën, u mërzit pak dhe tha ‘pse dreqin duhet të ndodhte kjo situatë’. Unë e kuptova që do ndodhte diçka e tillë të nesërmen. Kështu ndodhi, kur unë zbres, ai merr rrugën nga tenda dhe i them ‘do më surprizosh i thash, iku surpriza, duhet të jetë më romantik’. Besi tentoi që të më propozonte sërish se e para u dogj se nuk e pranoja se jam shumë romantike dhe doja diçka surprizë, më propozoi me fustan të bardhë ndërkohë që bënim fotot e dasmës, kështu që vetëm propozim nuk ishte. Ai e kishte marrë me kohë aprovimin. Kemi kaluar shumë momente të vështira. Është jetë, çdokush i kalon. Ajo që na ka mbajtur shumë fort me njëri tjetrin ka qenë besimi në zot që na ka bashkuar edhe me besimin tonë në dashuri. E kemi gjetur gjithmonë atë rrugën për të kapërcyer çdo moment të vështirë dhe për të qenë bashkë sërish me njëri-tjetrin”, tha këngëtarja.
