Festivali “Sunny Hill” edhe këtë vit do të mbahet në parkun e Gërmis më datë 4, 5, 6 dhe 7 gusht.
Emra të njohur të estradës shqiptare dhe disa prej yjeve me famë botërore do të argëtojnë publikun përgjatë katër netëve.
Kur kanë mbetur edhe pak ditë nga fillimi i tij, organizatorët e festivalit përmes rrjeteve sociale kanë njoftuar se tashmë ka nisur akreditimi i gazetarëve.
Foto: Sunny Hill Festival
Bashkë me njoftimin, në postim është vendosur edhe likun se ku mund të akreditohen mediat nga e gjithë bota.
“Jemi shumë të lumtur të ftojmë të gjitha mediat nga e gjithë bota që të na bashkohen në rrugëtimin fantastik 4-ditor të festivalit të Prishtinës! Aplikacioni për akreditimin e mediave është i hapur për të gjitha mediat e interesuara për të mbuluar edicionin më emocionues deri më tani”, thuhet në postim.
Ndërkohë, kujtojmë që përveç në Prishtinë, këtë vit “Sunny Hill Festival” do të mbahet edhe në Tiranë më 26, 27 dhe 28 gusht.
