Gazetarja Teutë Tmava, ka vdekur të martën. Telegram ngushëllimi për vdekjen e saj, ka dërguar Asociacioni i Gazetarëve të Kosovës.
Përmes një komunikate për media, AGK-ja ka thënë se me trishtim të thellë ka pranuar lajmin për vdekjen e Tmavës.
Asociacioni i Gazetarëve ka thënë se Tmava do të kujtohet si gazetare shembull që shërbeu me korrektësi dhe pasion për profesionin.
“Në emër të Asociacionit të Gazetarëve të Kosovës dhe komunitetit të gazetarëve, shprehim ngushëllimet më të sinqerta për familjarët, të afërmit dhe miqtë e së ndjerës”, thuhet në telegramin e ngushëllimit.
