Urimet për rizgjedhjen në krye të FFK-së për presidentin Agim Ademi po vazhdojnë të arrijnë nga shumë personalitete të futbollit dhe jo vetëm. Një mesazh i tillë ka arritur edhe nga presidentja e njërës prej federatave më të fuqishme të futbollit evropian, Federatës së Futbollit të Anglisë, Debbie Hewitt.
“Ishte kënaqësi e vërtetë që të takova në Doha javën e kaluar. Mezi pres që të takohemi sërish në Kongresin e UEFA-s, ku shpresoj se do të mund të ndërtojmë marrëdhënie midis dy federatave tona. Ndërkohë, në emër të FA, ju uroj përzemërsisht për rizgjedhjen tuaj si President këtë javë”, ka shkruar në letrën e saj presidentja e Federatës angleze.
