Zjarrfikësat e qytetit të Prishtinës kanë shpëtuar sot një qen, i cili kishte rënë në një pusetë para tri ditësh.
Në video shihet se si një ekip zjarrfikësish e nxjerrin qenin nga puseta në rrugën “Isa Kastrati” në Prishtinë.
Ndërkohë, qytetari që kishte lajmëruar zjarrfikësit tha për Indeksonline se përgjigjja e tyre ishte e shpejtë.
“Rastësisht kalova aty, më tregoi një person që ka ra një qen në një shakt që tri ditë. Si i kam thirrë zjarrfikësat, për shtatë minuta kanë ardhë. Iu përgjigjen thirrjes menjëherë, erdhen e nxoren nga shakta”, tha ai.
Që në momentin e intervenimit të zjarrfikësve dëgjohen lehjet e qenit, i cili pasi nxjerret nga puseta duket se është në gjendje të mirë.
