Përralla e vjetër sa koha po vjen me film tw ri dhe i shtoi kastit një mbretëreshë kinematografike këtë javë.
TV Line njoftoi se Rita Ora është aktorja më e fundit në bord për serialin “Beauty and the Beast” të Disney+, i cili fillon prodhimin këtë pranverë.
Duke u kthyer në qytetin e vogël francez të Villeneuve, seriali do të zhvillohet vite përpara se Bisha dhe Belle të bien në dashuri. Historia fokusohet kryesisht në Gaston dhe LeFou (të luajtur nga Luke Evans dhe Josh Gad). Dyshja djallëzore dhe egoiste zbulojnë një zbulim befasues që i çon ata dhe njerkën e LeFou, Tilly (Briana Middleton), në një udhëtim të stuhishëm të mbushur me romancë, komedi dhe aventura.
Qershorin e kaluar, CCO i markës së televizionit Disney, Gary Marsh, tha: “Për këdo që ka pyetur ndonjëherë veten se si një brutal si Gaston dhe një budalla si LeFou mund të bëhen miq dhe partnerë, ose se si një magjistare mistike erdhi për të bërë atë magji fatale mbi princin duke e kthyer në bishë, ky serial më në fund do t’i japë ato përgjigje … dhe do të provokojë një grup krejtësisht të ri pyetjesh.”
Vetë Ora do të luajë një të arratisur me “aftësi befasuese” dhe që shfrytëzon një sekret që mund të ndikojë në fatin e të gjithë mbretërisë. Mënjanë bukurinë eterike, Ora ka dëshmuar se është një kërcënim i trefishtë me aftësitë e saj të aktrimit, këngës dhe kërcimit. Shtimi i saj në shfaqje duket si një zgjedhje e mençur dhe potencialisht mund të ofrojë një muzikë më moderne në historinë klasike të filmit.
