Në orët e hershme të mëngjesit të djeshëm, policia në Prishtinë ka arrestuar dy persona, të dyshuar për vjedhje.
Njëri nga të arrestuarit, sipas policisë, është i mitur.
Pasi u hasen duke vjedhur, tek njëri nga të dyshuarit u gjetën dhe sekuestruan 98 euro.
Njëri prej tyre është dërguar në mbajtje, ndërsa tjetri është liruar në procedurë të rregullt.
“Sheshi Nënë Tereza, Prishtinë 21.01.2022 – 03:22. Janë arrestuar dy të dyshuar meshkuj kosovarë (njëri i mitur), pasi që janë hasur duke vjedhur para dhe se te njëri nga të dyshuarit janë gjetur dhe sekuestruar 98 €. Në lidhje me rastin është konsultuar prokurori i shtetit me vendim të cilit njëri nga të dyshuarit është dërguar në mbajtje, ndërsa i dyshuari i mitur është liruar në procedurë të rregullt. Rasti vazhdon të hetohet” thuhet në njoftimin e policisë.
