Kemi hyrë në muajin e tretë të vaksinimit të qytetarëve në Kosovë me vaksinat Pfizer dhe AstraZeneca.
Vetëm gjatë 24 orëve të fundit janë vaksinuar 9.590 qytetarë në Kosovë kundër Covid-19.
Që nga fillimi i vaksinimit, 321.537 qytetarë janë vaksinuar me dozën e parë dhe 166.148 me dozën e dytë të vaksinës.
Qytetarët deri sot kanë marrur dy llojet dozave të vaksinës, Pfizer dhe AstraZeneca.
Përkundër vaksinimit të qytetarëve, ditëve të fundit është rritur dukshëm numri i të infektuarve në Kosovë.
Gjatë 24 orëve të fundit nga 5.204 testime, 352 kanë rezultuar pozitiv, 1.659 janë aktive dhe është shënuar një rast i vdekjes.
