Kini kujdes, këto gabime që bëni gjatë tharjes mund të shkatërrojnë flokët tuaj
A ka ndonjë gjë më të thjeshtë sesa tharja e flokëve dhe stilimi i tyre pas dushit? Mund të duket e thjeshtë, por rezulton se ky proces ka edhe truket e tij.
Këtu do të gjeni gabimet më të shpeshta që bëni teksa thani flokët.
I thani flokët vetëm me ajër të nxehtë
Të gjitha tharëset kanë nivele të ndryshme të temperaturës së ajrit dhe ky nuk është një gabim i prodhuesit. Kaloni butonin tek ajri i ftohtë për të rregulluar stilimin e flokëve. Ajri i ftohtë ngadalëson avullimin e lagështirës, që do të thotë se ondet do të zgjasin më shumë. Gjithashtu, kjo është një metodë e mirë që të mos keni ndarje të fijes së flokut në fund.
Zgjidhni drejtimin e gabuar të rrjedhës së ajrit
Thajini flokët nga rrënja deri tek fundi, në drejtimin nga rritet floku. Përndryshe, floku juaj do të ngatërrohet dhe do e keni shumë të vështirë ta krihni.
Mbajtja e tharëses shumë afër kokës
Kjo e bën flokun tuaj më të brishtë dhe mund të djegë lëkurën e kokës. Largësia e tharëses nga koka duhet të jetë 30 cm. Si ta masni? Thjesht mbajeni tharësen në distancën që përftohet kur shtrini krahun.
Nuk pastroni asnjëherë tharësen
Rrjeta në pjesën e mbrapme të tharëses mund të mbledhë shumë papastërti, pluhur, grimca të ndryshme etj. Të gjitha këto ngadalësojnë rrjedhën e ajrit, e cila çon në rritje të temperaturës brenda tharëses. Por a e dini se kjo mund të bëjë që tharësja të shpërthejë dhe të marrë flakë?
