Një rishikim nga rregullatorët amerikanë për vaksinën njëdozëshe kundër koronavirusit, Johnson & Johnson, ka zbuluar se është e sigurt dhe efektive.
Një gjë e tillë e hap rrugën që kjo të bëhet vaksina e tretë kundër COVID-19 që pritet të autorizohet në SHBA, brenda disa ditëve.
Kjo vaksinë do të ishte një alternativë me kosto më efektive krahas vaksinave Pfizer dhe Moderna dhe mund të ruhet në frigorifer në vend të një ngrirësi.
Kompania belge Janssen, e cila është në pronësi të gjigantit farmaceutik, ka thënë se të dhënat e saj treguan se produkti ishte shumë efektiv kundër sëmundjeve të rënda.
