Ish-sekretari i Organizatës për Bashkëpunim Islamik , Ekmeleddin İhsanoğlu, përmes një videoje, ka treguar historinë e takimeve dhe bashkëpunimeve me kandidatin për kryeministër, Enver Hoxhaj, njëherësh edhe kryetar i PDK-së.
Përmes një videoje, ai ka uruar që Enver Hoxhaj të dalë suksesshëm në këto zgjedhje, duke përmendur të gjithë kronologjinë e bashkëpunimeve me Enver Hoxhajn, sa ishte ministër i Arsimit dhe ministër i Jashtëm.
“Më 18 Shkurt 2008, ne ishim në një qytet të vogël Senegalez në bregdetin e Oqeanit Atlantik, duke u takuar me kolegët në Sekretariat për t’u përgatitur për Konferencën Ministrore dhe Samitin të OBI-t që do të mbahej në Dakar në mes të shkurtit.”, ka thënë İhsanoğlu.
Tutje, ai tregoi se mëngjesin e 18 shkurtit, të vitit 2008, ka ftuar kolegët e tij në një takim të veçantë ku iu tha atyre se parlamenti i Kosovës shpalli pavarësinë.
“Pastaj ne duhet të lëshojmë një deklaratë të fuqishmë në mbështetje të cilën e hartuam dhe e lëshuam menjëherë. Ndodhi që kjo deklaratë e OBI-t të ishte deklarata e parë nga ndonjë organizatë ndërqeveritare në botë.”, ka thënë tutje.
“Në mbrëmjen e të njëjtës ditë, të hënën më 18, unë u takova me Presidentin Senegalez Abdoulaye Wade duke i treguar atij për zhvillimet dhe duke i kërkuar që të formalizoj njohjen. Pas disa diskutimeve, ai e pranoj idenë dhe menjëherë i dha udhëzime Ministrit të tij të Jashtëm për të njohur Kosovën, e cila ndodhi në të njëjtën mbrëmje.,” shtoi tutje.
Ish-sekterari i Organizatës për Bashkëpunim Islamik, tregoi tutje për takimin me Enver Hoxhajn, të cilin e përshkruajti si person me fytyrë të buzëqeshur, argumente të fuqishmë dhe stilin e qetë. Se si arriti Hoxhaj t’i arriti bindë dhe të krijojë një përshtypje pozitive midis vendeve anëtare të OBI-t.
“Më vonë, në përgatitjet tona për takimin Ministror, i dërgova një ftesë qeverisë së Kosovës për të marrë pjesë në Takimin Ministror. Qeveria dërgoi Ministrin e atëhershëm të Arsimit, Dr. Enver Hoxhaj për të marrë pjesë në takim. Këtu me fytyrën e tij të buzëqeshur, argumente të fuqishmë dhe stilin e qetë ai arriti të bindë dhe të krijojë një përshtypje pozitive midis vendeve anëtare të OBI-t. Pastaj filloi njohja nga vendet OBI-t, ajo po shkonte mirë, por e ngadaltë. Pastaj kur Ministri Hoxhaj u bë Ministër i Punëve të Jashtme në 2011 deri në 2014, ne bashkëpunuam jashtëzakonisht shumë dhe ne arritëm të bindim vendet kryesore si Pakistani, Egjipti, Katari, dhe shumë të tjerë të njohin Kosovën. Kjo nuk ishte një punë e lehtë, sepse për shumë arsye koha nuk është e përshtatshme për të përmendur të gjitha, por kjo na mori shumë kohë, përpjekje dhe bashkëpunim, dhe kjo ndodhi me shumë sukses.”, ka shtuar Ish-sekterari i Organizatës për Bashkëpunim Islamik (OIC), Ekmeleddin İhsanoğlu, përmes këtij video mesazhi.
Krejt në fund, ai i dha mbështetje të fortë kandidaturës së Enver Hoxhajt për kryeministër, duke thënë se është Hoxhaj ai që do të punojë në shërbim të kombit dhe shtetit të Kosovës.
“Tani, sot mendoj se ka nevojë për një shtysë të re dhe të fuqishmë për të siguruar njohjen e vendeve të tjera të OBI-t, si dhe për të lënë mënjanë pengesat e tjera diplomatike që qëndrojnë si pengesa për përparimin e Kosovës. Në këtë kontekst, i uroj me gjithë zemër mikut tim të dashur Dr. Hoxhaj suksese dhe fat të mirë në shërbim të kombit dhe vendit të tij “.
Video e plotë:
