Së shpejti brenda organeve të Federatës së Futbollit të Kosovës pritet të votohet Statuti i ri i saj, i cili sipas ekspertëve që e kanë dhënë kontributin e tyre për hartimin e tij, është pakrahasimisht më i mirë por edhe i hormonizuar në plotni me rekomandimet e UEFA-s dhe FIFA-s.
Nevoja për plotësim/ndryshimet në Statutin e ri të FFK-së ka qenë e domosdoshme, jo vetëm për t’iu përshtatur kohës, por edhe edhe për t’u përmirësuar në thelb, pasi që edhe në kohën kur është aprovuar statuti aktual, ka pasur vërejtje të cilat nga vendimmarrësit e kohës (2008) nuk janë marrë parasysh, duke u cilësuar si të parëndësishme, e në fakt kanë qenë disa pika pikërish të cilat kanë nxjerrë shumë telashe dhjetë vite pas, e të cilat z. Fatos Hoxha, i cili ka udhëhequr punimet në hartimin e Statutit të ri, për “Presheva Jonë” ka thënë se ka pasur vërejtje në atë kohë, por që kritikat e tij nuk janë marrë parasysh dhe se statuti ka kaluar me aklamacion.
z. Hoxha tutje ka pasur kritika elementare në Statutin e miratuar në vitin 2008, pasi që ai është marrë i gatshëm nga Federata e Futbollit të Malit të Zi dhe se brenda tij ka pasur edhe probleme elementare gjuhësore, të cilat gjatë përkthimit e kanë humbur apo ndryshuar kuptimin.
“Unë jam ndër njohësit e rrethanave në të cilat është nxjerrë Statuti i vitit 2008, e në të cilin unë i kam pasur vërejtjet e mia. Statuti i vitit 2008 kur është nxjerrë, tekstualisht është i përshkruar nga Statuti i Federatës së Malit të Zi, e që ka qenë kërkesë e kohës, përveq 2-3 neneve në të cilat ka pasur diskutime ku në atë kohë edhe përkundër vërejtjeve të mia në Kuvendin e FFK-së, janë aprovuar sepse shumica e njerëzve që janë marrë me futboll, në atë kohë kanë menduar se këto vërejtje janë shumë të thjeshta dhe se nuk ia vlen të diskutohen”, ka thënë z. Hoxha.
penalizojnë. Por, këto punë nuk shkojnë kështu”, ka deklaruar z. Ajeti.
Në anën tjetër, edhe z. Hoxha ka të njejtin mendim në lidhje me pikën e katërt të nenit 11, ku thotë se vendimi nuk është i formës së prerë dhe se nuk është normale që ‘ty sot dikush mundet me të akuzu për diçka që nuk është e vërtetuar në asnjë gjykatë, e të ta paralizojë jetën’.
“Udhëzimet administrative gjithmonë janë më të dobëta se që janë ligjet e ligjet më të dobëta sesa Kushtetuta. Mesa unë e di, në sistemin tonë juridik, persona me aktakuzë ka edhe nëpër institucione kyqe të udhëheqjes së shtetit. Vendimi për atë që është i dënuar aprovohet në momentin e ekzekutimit, këto gjëra janë të parapara siç i rekomandon edhe UEFA ashtu edhe ligjet e vendit, pasi që nuk është normale që nëse dikujt i teket dhe mund të të akuzojë për ndonjë gjë e që nuk është e vërtetuar në asnjë gjykatë, pastaj me atë aktakuzë me ta paralizuar, nëse mund të them, jetën”, ka thënë z. Hoxha.
Si përfundim, si z. Hoxha, ashtu edhe z. Ajeti e z.Ferizi janë deklaruar se kanë qenë autonom në punën e tyre bashkë me anëtarët tjerë gjatë përpilimit të statutit dhe se të vetmin organ që e kanë konsultuar duke i marrë vërejtjet e duke i përmirësuar ato, janë UEFA dhe FIFA.
Madje, z. Hoxha është shprehur i habitur, meqë nuk plotësohet asnjë parakusht që të pengohet licencimi i FFK-së, pra as te neni që e diskutuam më lart, pasi që siç thanë ata nuk ka vendim të formës së prerë, duke thënë se janë ‘para të mëdha që UEFA dhe FIFA i japin për federatat, e ata po të kishin vërejtje, nuk i lënë që ato të kalojnë në heshtje’.
Në anën tjetër, një presion fallco që është bërë ndaj klubeve nga individ të caktuar kinse licencimi do t’u pengojë të përfitojnë nga Ligji për Sponzorizimin, kjo pasi që sic dihet, ka qenë vetë ministri i cili ka folur për këtë çështje. Madje edhe vetë ministri nuk ka thënë asnjëherë se FFK nuk do të licencohet, por duhet të plotësohen kushtet apo vërejtjet që i kanë pasur.
Pra, marrë për bazë deklaratën e ekspertëve ligjorë, të cilët edhe kanë punuar në Statutin e ri të FFK-së e që janë pashmangshëm edhe të lidhur në një formë apo tjetër me futbollin, që do të thotë se i njohin edhe më mirë këto çështje, klubet por as rajonet nuk duhet të ndihen të shqetësuara as për licencimin e FFK-së e as për sponzorizimin e klubeve, pasi gjithçka është brenda afateve.
z. Hoxha në fund ka tërhequr vërejtjen edhe tek ata të cilët përkundër që nuk e njohin ligjin flasin me vrull se FFK nuk do të licencohet. “Duhet ta keni parasysh se Ministria është, apo do të duhej të ishte asistuese e FFK-së për çdo nevojë që ka. Nuk duhet të harrohet se jemi federatë e re dhe po piqemi përditë. Federatë nuk janë vetëm klubet që po bëjnë zhurmë, në fakt disa sosh, federatë është masovizimi, futbolli i femrave, kombëtarja, kushtet e punës etj, për të cilat është duke u punuar, e kjo vërehet qartësisht e lehtësisht”, ka përfunduar z. Hoxha.
