Ajo është njëra nga artistet shqiptare që ka bërë bujë të madhe përgjatë viteve.
Bëhet fjalë për këngëtaren Dafina Zeqiri, e cila krahas muzikës komentohet në masë të madhe edhe për paraqitjet e pamjen e jashtme.
Disa ditë më parë, ajo publikoi një fotografi në rrjete sociale ku u shfaq tërësisht pa grim.
Foto: Screenshot/Instagram
Ndërsa mori komplimente të shumta, pati edhe disa prej tyre që ‘shpërthyen’ me ofendime, duke ia bërë me dije ndërhyrjen e radhës që bëri në buzë.
Siç duket këto komente i kanë bërë përshtypje edhe Dafinës, e cila gjatë ditës së sotme (e martë) ka reaguar me anë të një videoje në Instagram.
“Dje përdora një filtër që i bëri buzët e mia të duken shumë të mëdha. Komentet ishin të pabesueshme, të ashpra sidomos ato që vinin nga femra që më ndiqnin mua. Bullizuese. Shikoni fytyrën dhe filtrat tuaj. Kur të mbushni ju 33 vjeç dhe të mos keni bërë botoks apo mbushës, ejani të flisni me mua”, tha ajo.
“Fytyra ime. Filtri im. Jeta ime. Shikoni tuajën. Faleminderit”, ka shkruar Dafina tutje krahas videos.
E njëjta deri më tani i është nënshtruar disa ndërhyrjeve estetike.
