Modelja Kate Moss mori pjesë në koncertin ‘rock’ të Johnny Depp të martën në Londër, teksa është në pritje të një vendimi në padinë e tij prej 50 milionë dollarësh kundër ish-bashkëshortes, Amber Heard.
Ishte performanca e tretë e Depp së bashku me kitaristin legjendar Jeff Beck, dhe ai ftoi Moss si të ftuarën e tij speciale.
Fotografitë e postuara në internet tregojnë Depp në skenën e Royal Albert Hall të martën – një ditë pasi mori një ovacion në këmbë në të njëjtin vend.
Foto: Getty Images
Ndërkohë, në ShBA ka përfunduar dita e dytë e diskutimeve në çështjen e Depp kundër Heard.
Moss, e cila ishte në lidhje me Deppin në vitet 1990, dëshmoi në gjyq duke treguar se aktori nuk ka qenë asnjëherë i dhunshëm ndaj saj, pasi biondja deklaroi se dikur e kishte shtyrë ikonën e modës poshtë shkallëve.
Pas argumenteve përfundimtare, Johnny u nis për në Angli duke iu rikthyer normalitetit.
Foto: Getty Images
I njëjti paditi aktoren amerikane për një shkrim të bërë në Washington Post pasi pretendoi se ishte viktimë e dhunës në familje.
Heard në anën tjetër ka qëndruar në zonën e DC dhe planifikon të jetë e pranishme për vendimin, tha një burim i afërt me ekipin e saj për Fox News Digital.
Pritet në vazhdim që të merret një vendim për gjyqin e dyshes së famshme.
