Presidenti i Malit të Zi, Milo Gjukanoviq, do ta vizitojë Kosovën përgjatë së nesërmes.
Kështu ka bërë të ditur Zyra e Presidencës, teksa ka njoftuar se Gjukanoviq do të takohet me presidenten e Kosovës, Vjosa Osmanin.
Sipas komunikatës, ai do të pritet me nderime të larta shtetërore.
“Në orën 10:00, Presidentja Osmani do ta presë Presidentin Đukanović me nderimet më të larta shtetërore. Vendi: Sheshi “Ibrahim Rugova”, Prishtinë”, bëhet e ditur në komunikatë.
Siç njofton Presidenca, pas pritjes Osmani do të takohet me Gjukanoviqin dhe në fund të takimit do të ketë konferencë për media.
