Mos kërkoni më tej, sepse ne i kemi propozimet më moderne
Nëse po planifikoni të ndryshoni ose rifreskoni modelin e flokëve tuaj, hidhini një sy trendëve më të mëdhenj të flokëve për pranverën 2022.
Nga Valentino te Isabel Marant, nga Chanel te Chloe, frymëzimi për modele flokësh pranverore dhe verore është i pashtershëm.
Nga njëra anë, ka modele tradicionale flokësh dhe paksa retro dhe, nga ana tjetër, ka një prekje të avangardës.
Në vazhdim të tekstit kemi veçuar trendët më të mëdhenj të modeleve të flokëve nga pasarelat për pranverë 2022.
1. Pixie 2.0
Prerja e re pixie është një nga modelet më moderne të flokëve. Versioni modern i saj karakterizohet nga vëllimi dhe gjatësia që synojnë një ndjenjë natyrale, sikur të keni shmangur qëllimisht një prerje flokësh. Nëse dëshironi vibracionet perfekte të Winone Ryder nga vitet ’90, ky është modeli i flokëve për ju. Një tjetër version i pranishëm është modeli i flokëve mixie, pixie fusion dhe barbuni.
2. Mullet
Ky model flokësh është më se i dukshëm që nga vitet ’80. Ato janë jashtëzakonisht të guximshme dhe kanë karakteristika shumë specifike: të shtresuara, të forta dhe të shkurtra përpara dhe anash, dhe me një gjatësi më të gjatë në pjesën e pasme që mbulon qafën – njësoj si kjo në sfilatën e Valentino-s.
3. Të gjitha llojet e modeleve të flokëve bob
Bob është një nga frizurat më të dashura të të gjitha kohërave, si në formën e tij origjinale, ashtu edhe në versionin e tij më elegant, siç e dëshmojnë pamjet e Saint Laurent, por edhe sfilata e Chanel për pranverën 2022.
4. Shag
Shag-u u dizenjua nga parukieri Paul McGregor dhe modeli i flokëve u dekonstruktua qëllimisht për të qenë rebel – njësoj si vajza e Chanel-it këtë pranverë.
5. Flokët e gjatë
Një frizurë e gjatë, por pa mundim në stilin e Jane Birkin nuk do të dalë kurrë nga moda. Versioni pranverë/verë i 2022-ës është i frymëzuar nga vitet ’80 dhe ’90, dhe shumë shpesh shkon në kombinim me balluke. Pavarësisht nëse është me onde apo e sheshtë, është gjithmonë një hit.
6. Prerje e njëtrajtshme
Ky model flokësh i meshkujve konsiderohet shpesh një zgjedhje ekstreme, por një kokë e rruar është një trend i madh për sezonin pranverë/verë 2022. Me kalimin e viteve, shumë të famshme kanë zgjedhur këtë model flokësh, duke përfshirë Demi Moore, Amber Rose dhe Charlize Theron.
7. Ngjyra e flokëve të ‘larë’
Ndër tendencat më të njohura të flokëve për pranverë/verë 2022, është ngjyra e holluar e flokëve – bëjini të duken sa më të shndritshëm dhe natyral, dhe rrezet e diellit do t’i japin gjithë magjinë që i nevojitet.
