DJ Tiësto do të bëhet sërish baba.
Producenti holandez, 53 vjeç, njoftoi të hënën se ai dhe bashkëshortja, Annika Backes, po presin fëmijën e tyre të dytë.
Çifti tashmë janë prindër të vajzës, Viola Margreet, 16 muajshe.
Tiësto, emri i vërtetë i të cilit është (Tijs Michiel Verëest|), ndau lajmin emocionues së bashku me fotografitë e çiftit në ceremoninë e 64-të vjetore të çmimeve “Grammy” të mbajtur të dielën që shkoi, ku Backes zbuloi barkun e rrumbullakosur në tapetin e kuq.
Në një fotografi të bërë publike, DJ vendos dorën në barkun e gruas së tij dhe puth barkun e saj në një tjetër.
“Po bëj një tjetër fëmijë me dashurinë e jetës sime ”, ka shkruar ai.
Backes ndau të njëjtat fotografi në llogarinë e saj, ku njoftoi gjithashtu se çifti është në pritje të një djali, shkruan People.
Çifti, i cili u martua në shtator 2019, prezantoi për herë të parë vajzën Viola, krahas fotografive të porsalindurit në nëntor 2020.
Tiësto dhe gruaja e tij u takuan në restorantin Catch në New York në vitin 2015, ndërsa u fejuan në vitin 2018 në festën e njohur si “Dita e Falënderimeve”.
