Vetëm gjatë vitit të kaluar, 35 punëtorë të Korporatës Energjetike të Kosovës (KEK) kanë humbur jetën si pasojë e kushteve të rënda në KEK. Ndërsa 90 për qind e punëtorëve vazhdojnë të kenë probleme shëndetësore.
Vetëm gjatë vitit të kaluar, 35 punëtorë të Korporatës Energjetike të Kosovës (KEK) kanë humbur jetën si pasojë e kushteve të rënda në KEK. Ndërsa 90 për qind e punëtorëve vazhdojnë të kenë probleme shëndetësore.
Këtë e ka bërë të ditur nënkryetari i Sindikatës së Re të KEK-ut, Nexhat Llumnica, për EO. Ai thotë se kushtet e punës janë të rënda, ndërsa aplikimi i masave mbrojtëse nuk mund t’i rezistojë gazrave helmuese.
“Në KEK ka shumë punëtorë të cilët janë me probleme shëndetësore për arsye se natyra e punës është e tillë, edhe për kundër aplikimit ta masave mbrojtëse nuk mund t’i ruhet gazrave helmues dhe pluhurit, dhe dridhjeve që ekzistojnë atu, kështu që në vitin e kaluar, vetëm në vitin 2021 kemi pasur 35 punëtorë raste të vdekjes ende pa u pensionuar. Të gjithë pothuajse 90 për qind që janë sëmundje profesionale dyshojmë se merren gjatë procesit të punës për arsye se shumica e tyre janë kancerogjene që kuptohet gazrat helmues i sjell këto lloj sëmundje”, tha Llumnica.
Ai ka kërkuar që të aplikohet pensionimi i parakohshëm me pagesën prej 36 pagave në start pasi sipas tij ka një moshë jashtëzakonisht të lartë.
“Nuk e di që aplikohet pensionimi i punëtorëve të parakohshëm. Ne duhet të bëjmë në formë të tillë për arsye se duhet të ripërtërihet stafi i punonjësve të KEK-ut për arsye se ka një moshë mesatare jashtëzakonisht të lartë diku rreth 58 vjet dhe ka nevojë të ripërtërihet ky staf. Ne i kemi ofruar modalitetet edhe Ministrisë të Zhvillimit Ekonomik që të ripërtërijmë stafin në mënyrë që të ketë një staf më të ri dhe të punësohen të rinjtë, kurse të vjetrit të shkojnë në pension të parakohshëm me pagesën prej 36 pagave në start”, tha ai.
“Kurse pjesën tjetër të bëhet me 50 për qind e pagës në mënyrë që sa më shumë të lirohen vendet e punës, dhe ka mundësi dhe kapacitete financiare KEK-u të mbulojë këtë në mënyrë që të ripërtërihet stafi i tyre. Kurse tek pensionet ne i shohim shumë punëmarrës në KEK të cilët nuk i kanë mbushur 15 vite përvojë pune para luftës, ata nuk e kanë pensionin e plotë e kanë vetëm pensionin e pleqërisë dhe kjo është një handikap i madh”.
“Ne kemi kërkuar nga Ministria e Punës dhe Mirëqenies Sociale atëherë në vitin 2019 që të gjithë të punësuarit nga 1 muaj deri në 180 muaj të kenë pensionet me përqindje. Kurse mbi 180 muaj që i bie 15 vite të kenë pensionin 100 përlind në mënyrë që të mos i hahet haku askujt”.
Ndërsa si problem, Llumnica e ka ngritur çështjen e punësimit të moshave të reja pasi sipas tij sektori privat nuk po i respekton të drejtat e tyre.
“Në sektorin privat është problem për gjetjen e punëtorëve sepse ata nuk e respektojnë ligjin, nuk i bëjnë kontratë pune punëtorit, nuk kanë mundësi të shfrytëzojnë as pushimin vjetor, as pushimin mjekësorë, dhe normalisht se ata e kanë problem të gjejnë punëtorë”, tha tutje ai.
