Ndërtesa e Qeverisë së Kosovës mbrëmë u ndriçua me flamurin e Ukrainës, në shenjë solidarizimi me popullin ukrainas për situatën në të cilën po kalojnë shkaku i konflikteve me Rusinë.
Lidhur me këtë veprim të Qeverisë, ka reaguar edhe ambasadori amerikan në Kosovë, Jeffrey Hovenier.
Hovenier përmes një postimi në Twitter ka shkruar se “SHBA-të dhe Kosova qëndrojnë së bashku me Ukrainën”.
Kryeministri Albin Kurti, mbrëmë përmes një postimi në Twitter kishte shkruar se “pavarësisht se sa të errëta janë kohët dhe sa e vështirë është përpjekja, historia e favorizon të drejtin. Në këtë kohë kritike për popullin ukrainas, ne e ndriçuam ndërtesën e Qeverisë për ta shfaqur solidarizimin e popullit të Kosovës me popullin e Ukrainës.” /Telegrafi/
