Përparim Rama pritet ta zgjerojë koalicionin e tij me subjektet politike në Prishtinë.
Qeverisjes së arkitektit nga Londra do t’i shtohet edhe Nisma Socialdemokrate në bashkëqeverisjen e Komunës së Prishtinës, ka paralajmëruar, Bekim Brestovci, këshilltari i kryetarit Rama.
Mbylljen me sukses të negociatave për bashkëqeverisje mes LDK-së dhe Nismës Socialdemokrate, e ka bërë të ditur edhe Endrit Zabërgja, asamblisti i vetëm i Nismës në Asamblenë Komunale të kryeqytetit
“Po jemi afër finalizimit të marrëveshjes për bashkëqeverisje me LDK-në”, pohoi Zabërgja për Paparacin.
Javën e kaluar, LDK-ja dhe PDK-ja konfirmuar arritjen e një marrëveshje për bashkëqeverisje në Prishtinë.
Sipas marrëveshjes, PDK-ja mori përsipër udhëheqjen e pesë drejtorive, si dhe pozitën e nënkryetarit.
Një drejtori, sipas marrëveshjes me LDK-në e Ramës, e ka mori në udhëheqje edhe Lëvizja për Bashkim (LB).
LB-ja, përfaqësohet me vetëm një asamblist në Kuvendin Komunal.
Numër të njëjtë të ulëseve në kuvend ka edhe Nisma Socialdemokrate.
Kësisoj, edhe partia e Fatmir Limajt pritet të udhëheq me një drejtori në Prishtinë.
Këtë e ka konfirmuar Bekim Brestovci, këshilltari i Përparim Ramës.
“Nisma natyrisht e ka një asamblist në Kuvendin komunal dhe është në negocim e sipër ndoshta edhe për të marrë një drejtori në udhëheqje që pritet të krijohen së shpejti”, ka thënë ai .
Komunës së Prishtinës do t’i shtohen edhe katër drejtori.
