Këngëtarja e dashur për publikun shqiptar Genta Ismajli është bërë nënë për herë të parë me binjakë, një vajzë dhe një djalë.
Lajmin e ka konfirmuar një burim i afërt i këngëtares.
Mësohet se këngëtarja ka disa ditë që është bërë nënë, por deri më tani Genta dhe bashkëshorti i saj turk, Ustan kanë vendosur t’i mbajnë fëmijët larg medieve.
“Genta po mundohet t’i mbaj fëmijët sa më larg medieve. Fokusi i saj momental është tek kënga që ajo ka publikuar, këngë kjo që është realizuar kohë më parë gjatë shtatzënisë se saj. Ajo dhe fëmijët kanë një shëndet shumë të mirë për momentin”, tha burimi i afërt me këngëtaren.
